الثقافات الشعبية الموروثة للمصريين

بقلم : صفوت السيد

أولا تصنيف الأشخاص بوصف الأيادي

١- ايدو بيضا…تعنى صاحب فضل ومعروف

٢- ايدو ماسكة….بخيل

٣- ايدو فرطه….كريم

٤- ايدو طيلة….يقدر يعمل حاجات كتير

٥- ايدو واصله …يعرف واسطه قوية

٦- ايدو طويلة …حرامى مؤذى

٧- ايدو خفيفة…. حرامى نشال

٨- ايدو مخرومة….مبذر

٩- ايدو على قلبه….بيخاف كتير

١٠- ايدك معايا…. سا عدنى

١١- ايد ورا وايد قدام …ابيض ممعهوش حاجه

١٢- على حطة ايدك….زى ماهو مفيش تغيير

١٣- تسلم ايدك….الف شكر

١٤- ايدك منه والأرض… مافيش فايده فيه

١٥- ايدك على المعلوم….هات فلوس

١٦- الايد قصيرة….قليل الحيله ومفلس

١٧- ايدى على كتفك…يارييييت

١٨- اللى ايده فى الميه مش زى اللى ايده فى النار….مش حاسس بيه

١٩- ماسكه من ايده اللى بتوجعه…ماسك عليه ذله

٢٠- ايده تتلف فى حرير….شاطر فى مهنته

٢١- جاى وايدو فاضية….ماجابش  حاجه معاه

٢٢- ايده متكتفه…. عاجز انه يقدر يعمل حاجه

٢٣- عصفور فى الايد… متضيعش الفرصة

★ابعد حبة تزيد محبة

قالوا فى الأمثال كثيرا عن العديد من التعاملات فى المناسبات سواء كان ذلك بين المصريين او بين العرب قديما وكان الطريف منها امثال تعطى معنى والعكس له معنى اخر ويتخدم هذا وذاك وفقا للموقف و حاله المتلقي النفسيه فنجد الاتى

١- هو…البعيد عن العين بعيد عن القلب ولا أبعد حبه تزيد محبه

٢- هى..اطبخى يا جارية كلف يا سيدى…ولا الشاطرة تغزل برجل حمار

٣- هو ..ظل راجل ولا ظل حيطه….ولا قاعدة الخزانه ولا جوازة الندامه

٤- هو الضنى غالى…ولا لو جالك الطوفان حط ابنك تحت رجليك

٥- هو..الخير على قدوم الواردين….ولا يا قاعدين يكفيكوا شر الجايين

٦- هو..لبس البوصة تبقى عروسه….ولا ايش تعمل المشطه فى الوش العكر

٧- هو..خير تعمل شر تلقى….ولا اعمل الخير وإرميه البحر

٨- هو..القرش الأبيض ينفع فى اليوم الأسود….ولا اصرف ما فى الجيب يٱتيك ما فى الغيب

٩- هو..يابخت من وفق راسين فى الحلال….ولا تمشى فى جنازة ولا تمشى فى جوازة

١٠- هى..حلاوتها فى حموتها….ولا فى التٱني السلامة وفى العجلة الندامة

١١- هو..اللى سبق كل النبق….ولا قيراط حظ ولا فدان شطارة

١٢- هو..فى السفر سبع فوايد….ولا من خرج من دارة تقل مقدارة

١٣- هو..الغايب مالوش نايب ….ولا الغايب حجته معاه

١٤- هو.. باب النجار مخلع….ولا اعطى العيش لخبازة

١٥- هو..النار متحرقش مؤمن ….ولا المؤمن دايما متصاب

١٦- هى..الناس مقامات….ولا كلنا ولا تسعة

١٧- هى ..معرفة الناس كنوز….ولا البعد عن الناس غنيمة

١٨- هو..خير البر عاجله….ولا كل تٱخيرة وفيها خيرة

١٩- هو..لو سرقت اسرق جمل….ولا الطمع يقل ما جمع★امثال اتحرفت مع مرور الزمن

اصبح نطق العديد من الأمثال بطريقة خاطئة منها

١- أسأل مجرب ولا تنسى الطبيب…بدلا من كلمة لا تسٱل الطبيب

٢- من علمنى حرفا صنت له عهداً …وليس صرت له عبدا

٣- ابعد عن الشر وقن له اى اعمل بينك وبينه قناه …وليس ابعد عن الشر وغني له

٤- كثره السلام يجل المعرفة اى يجعلها جليله….وليس كثره السلام يقل المعرفة